صباح الورد ...
شحالكم عساكم بخير و طيبين ...
عنا بروجكت يتعلق بالتوتر ... و حسيت اني استفدت منه فبغيت اتفلسف عليكم شوي ... > :)
الله يسلمكم من خلال دراستي لعلم التغذية عرفت ان فيه وايد امراض متعلقة بالتوتر ...
بمعنى ثاني: التوتر له تأثير في ظهور أمراض وايدة عند الانسان منها القرحة و امراض القلب و القولون و السكري و غيره و غيره ...
و المشكلة ان التوتر الدايم يسبب مشاكل نفسية بعد منها الاحباط و القلق و تعكر المزاج و غيره ...
المهم مب هذا موضوعنا ...
موضوعنا هو: كيف نتغلب عالتوتر ... ليش الانسان يتوتر ؟ التوتر ينشأ عن "حاجة" معينة عند الانسان و لكنه لا يستطيع الحصول عليها ... > عاد اسمحوا لي انا دارستنه بالانجليزي فيمكن العربي شوي ... احم المهم
يعني مثلا: الزحمة ... و طبعا عنا في الامارات هالمشكلة موجودة ...
فإذا الطالب تأخر شوي و ما نش من وقت الصبح و يسوق للجامعة و الدرب زحمة ...
حاجته تكون انه يوصل الجامعة في الوقت المحدد ...
بس ما بيقدر بسبب الزحمة فبينشأ عنده
توتر ...
و تكرار هالموقف ممكن يسبب له مشاكل ...
التوتر له عدة طرق لعلاجه ...
بس أنا برمس عن شي واحد و هو: sending positive messages (ارسال رسائل ايجابية) ... > مب بالمبايل لا :) لعقلنا ...
و طبعا هالشي مب سهل بس بالتدريب ممكن نوصل له ...
مثلا هالطالب اذا تم يفكر طول الدرب (و الي هو زحمة طبعا) اني بتأخر و الاستاذ بيحط لي غياب ... و ممكن انه يفوتني شي مهم من الدرس ...الخ
بيكون قاعد يرسل رسائل سلبية ...
مع انه هالاحتمالات صحيحة ... بس بذمتكم اذا فكر جي بيوصل عالوقت يعني ؟!
لا ...
كل الي بيسوي انه بيتوتر زيادة ...
أما إذا قال لنفسه: يالله ما عليه هالشي يستوي لكل حد ...
و مب كل يوم أنا بغيب ... و ان شاء الله باجر بحاول ارقد من وقت عسب انش عالوقت ...
و اذا فاتني شي من الدرس بخلي ربيعي يخبرني ...
و عادي الحياة حلوة ...
تتوقعون انه بيزداد توتره مع هالرسائل الايجابية الي ارسلها ؟
ارد اقول ان هالشي يباله control منا..
بس في النهاية هاي مهارة و الانسان يقدر يعود نفسه عليها ...
مب عشان شي بس عشان نفسه و عشان يبتعد عن الامراض و بلاوي التوتر ...
:)
موقف ثاني: الموظف في الشغل ...
يكون عنده وايد أشغال بس وقته ضيق ...
فهو يشعر انه لازم يخلص هالشغال (حاجة) بس الوقت ضيق ... (ينشأ التوتر)
و ترا هالموضوع ما ينطبق بس عالزحمة و الموظف ...
ساعات يستوي موقف و تعصب بسببه و لو تفكر في الموقف بتقدر تطبق عليه هالرسائل الايجابية ...
و احب اقول شي بعد ...
ان ساعات ينشأ عنا توتر بسبب حاجة نحن ما نقدر نغيرها أو نعدل منها ...
مثل الي يستوي في فلسطين المحتلة ...
نحن نبا الظلم يوقف عن أحبائنا في فلسطين (حاجة) بس ما في شي بيدنا ... (منشأ التوتر)
طبعا وايد منا مقهورين بس مافي شي نقدر نسويه الا انا ندعيلهم ...
الله يفرج عنهم ... آمين ...
ان شاء الله ايامكم تكون خالية من التوتر ..
تيك كيير ...
